深水埗一間由90後年青人主理筲箕河粉

粉制良品 今次要介紹要介紹深水埗一間由一個90後年青人店主主理，主打即叫即蒸堅持手工製作嘅筲箕河粉。小店雖然好細間，但都會主動走出嚟問我想食咩嘢，我最鍾意佢哋門口有一個夾住手工河粉嘅特色裝置，店主碾磨超過1800次，米漿細膩絲滑，嚴選陳年梯田糙米，堅持手工，現蒸現切，筲箕蒸粉，傳統工藝！ 1.手撕雞筲箕河粉$36（9.5/10） 呢個手撕雞筲箕河粉個河粉食落好滑，滑過去酒樓食腸粉，手撕雞唔鞋，仲加入咗其他配料有青瓜絲、胡麻醬同花生碎，食落好香，必食之選！ 2.牛腩筲箕河粉$36（9/10） 呢個牛腩筲箕河粉個牛腩好軟淋，除咗牛腩都有牛筋，牛腩牛筋加埋都有大約8舊，好入味，唔錯！ 3.火鴨絲碗仔翅$28（8/10） 呢碗火鴨絲碗仔翅超級大碗，用料好足夠，入面有冬菇、火鴨絲同木耳，碗仔翅質感唔會好稀，飲落好濃稠，加入醋更加好味！ 4.牛肉球$10（2粒）（7/10） 呢個牛肉球偏淋身，無咩牛味，唔太好食！ 5.魚肉燒賣$10（7粒）（9.5/10） 呢個魚肉燒賣好有彈性，超煙韌，淡淡魚肉味，再配埋佢哋嘅辣椒醬，真係好好食！ 6.陳皮魚蛋$10（7粒）（9/10） 呢個陳皮魚蛋好彈牙，加埋辣油令到魚蛋好香！ 7.粉果仔$10（5粒）（8/10） 呢個粉果仔個皮好煙韌，細細粒食得好方便，再配埋佢哋秘製辣醬，零舍夾，秘製辣醬仲可以單獨買，我都買咗一樽！ 8.蒜蓉辣椒醬（自家製）$48（9/10） 呢樽蒜蓉辣椒醬食完即刻買返一樽返屋企！ 2人總共價錢$188 個人口味總評分：8.63/10 地址：深水埗桂林街143H號地下F3號舖 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #粉制良品#筲箕河粉#手工河粉#深水埗#香港美食#深水埗美食#深水埗好去處#hkig#hkboy#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#香氣四溢#打卡相我攞獎#社群歎世界#社群請睇戲